திருச்சி, மார்ச் 11 திருச்சி மாவட்டம் லால்குடி அருகே புள்ளம்பாடி ஒன்றியம் மால்வாய் ஊராட்சியில் ரூ.86 லட்சம் மதிப்பில் தார்சாலை ,பேவர் ப்ளாக் சாலை,
பயணியர் நிழற்குடை அமைப்பதற்கான பூமிபூஜையை சட்டமன்ற உறுப்பினர்சவுந்தரபாண்டியன் நேற்று மாலை 4 மணியளவில் தொடங்கி வைத்தார்.
புள்ளம்பாடி ஒன்றியம் மால்வாய் ஊராட்சியில் சட்டமன்ற உறுப்பினர் தொகுதி மேம்பாட்டு நிதியில் இருந்து ரூ.86 லட்சம் மதிப்பில் புதிய தார்சாலை ,பேவர் ப்ளாக் சாலை , வடிகால்கள், பயணியர் நிழற்குடை அமைப்பதற்கான பூமிபூஜை நடைப்பெற்றது. இதில் கலந்து கொண்ட சட்டமன்ற உறுப்பினர் சவுந்தரபாண்டியன் பூமிபூஜை பணிகளை தொடங்கி வைத்தார்.
இந்நிகழ்ச்சியில் புள்ளம்பாடி ஒன்றியக்குழு தலைவர் ரசியா ராஜேந்திரன், ஒன்றிய கவுன்சிலர் ஜெயபிரகாசம் , முன்னாள் ஊராட்சி மன்ற தலைவர் செந்தாமரை கண்ணன்,திமுக நிர்வாகிகள் , உள்ளாட்சி பிரதிநிதிகள் ,பொதுமக்கள் உள்ளிட்ட பலர் கலந்து கொண்டனர்.
