திருச்சி, பிப். 15 திருச்சி மாவட்டம் துறையூர் அடுத்த கண்ணனூரில் உள்ளது இமயம் கலை மற்றும் அறிவியல் கல்லூரியில் வேலை வாய்ப்பு முகாமிற்கான ஏற்பாடுகள் நடைபெற்றுக் கொண்டிருந்த பொழுது மேடையின் அருகே நின்று கொண்டிருந்த முகாம் ஒருங்கிணைப்பாளரும் கல்லூரி பேராசிரியருமான முகிலன் என்பவர் மேடை அருகே நின்று கொண்டிருந்த காளி பட்டியைச் சேர்ந்த மைக்ரோ பயாலஜி மூன்றாம் ஆண்டு படிக்கும் பவித்ரன் என்ற மாணவரை இருக்கையில் அமருமாறு கூறியுள்ளார் அதை மதிக்காமல் மாணவர் பவித்ரன் அங்கிருந்து வெளியே சென்றதாக தெரிகிறது. பணிகள் முடிந்து மாலை 4 மணியளவில் கல்லூரியில் இருந்து சரியா முகிலன் வெளியே சென்ற பொழுது கல்லூரி மாணவர் பவித்ரன் மது போதையில் ஆசிரியரிடம் வாக்குவாதத்தில் ஈடுபட்டுள்ளார் இதனால் ஆசிரியர் மாணவனின் கல்லூரி அடையாள அட்டையை வாங்கி வைத்துக்கொண்டு சென்றுவிட்டதாக தெரிகிறது இதனால் ஆத்திரம் அடைந்த கல்லூரி மாணவர் பவித்ரன் இரவு 8 மணி அளவில் தனது சக நண்பர்களான ஜீவா பிரதீப் மற்றும் அடையாளம் தெரியாத முதலாம் ஆண்டு மாணவர் உள்ளிட்ட நான்கு பேரும் இருசக்கர வாகனத்தில் வந்து மது பாட்டிலில் பெட்ரோல் நிரப்பி அதில் தீ வைத்து கல்லூரி வாசலில் வீசி விட்டு சென்றதாக கூறப்படுகிறது இது பற்றி ஜமுனாபுரம் போலீசார் வழக்கு பதிவு செய்து விசாரணை நடத்தி வருகின்றனர்
