திருச்சி, பிப். 16 நெடுஞ்சாலைத்துறை திட்டங்கள் அலகின் மூலம் திருச்சி மாவட்டம், இலால்குடி தாலுக்கா, மணக்கால் சிறுதையூர் செங்கரையூர் சாலையில் உள்ள ரயில்வே கடவு எண் எல்.சி.226க்கு மாற்றாக ரயில்வே மேம்பாலம் கட்டும் பணி நடைப்பெற்று வருகிறது. ரயில்வே மேம்பாலம் பணியையொட்டி சிறுதையூர் – செங்கரையூர் சாலையில், லால்குடி ரவுண்டானா முதல் கொப்பாவளி வரை இன்று (பிப்.16) முற்பகல் 6.00 மணி முதல் போக்குவரத்து மாற்றம் செய்யப்படுகிறது.
புதிய போக்குவரத்து மாற்றம்: லால்குடியிலிருந்து அன்பில் செல்லும் மற்றும் திரும்ப வரும் அனைத்து வாகனங்களும் லால்குடி ரவுண்டானாவிலிருந்து சிறுதையூர் செங்கரையூர் சாலை வழியாக, திருச்சி- சிதம்பரம் சாலை, பூவாளூர் -ஆலங்குடி சாலை, காட்டூர் கரும்பு அபிவிருத்தி சாலை வழியாக கொப்பாவளி வழியாக செல்ல வேண்டும். மேற்கண்ட போக்குவரத்து மாற்றமானது இன்று முதல் மார்ச் 5 ஆம் தேதி வரை நடைமுறைப்படுத்தப்படும் என்று தெரிவிக்கப்பட்டுள்ளது.
