திருச்சி ஸ்ரீரங்கம் அருள்மிகு அரங்கநாத சுவாமி திருக்கோவிலில் நாள்தோறும் பக்தர்களுக்கு இலவச பிரசாதம் வழங்கும் திட்டம் நடைமுறைக்கு கொண்டு வரப்பட்டது – விருப்பத்தின் பேரில் நன்கொடையாளர்கள் முன் வந்து பக்தர்களுக்கு பிரசாதம் வழங்கும்
பூலோக வைகுண்டம் என்று அழைக்கப்படும் திருச்சி ஸ்ரீரங்கம் அருள்மிகு அரங்கநாத சுவாமி திருக்கோவில்
ஆசியாவில் மிக உயரமான கோபுரத்தையும், அகண்ட பரப்பிலான பிரகாரங்களையும் கொண்டதாக உள்ளது.
இந்நிலையில் தமிழக இந்து சமய அறநிலை துறை சார்பில் ஆயிரக்கணக்கான பக்தர்கள் வந்து செல்லும் பெரிய ஆலயங்களில் நாள்தோறும் பக்தர்களுக்கு இலவச இனிப்புகளை வழங்க உத்தரவு பிறப்பிக்கப்பட்டு கடந்த 23ஆம் தேதி தமிழக முதல்வரால் துவக்கி வைக்கப்பட்டது.
இந்து சமய அறநிலையத்துறை சார்பில் பக்தர்களுக்கு தொடர்ந்து இனிப்புகள் வழங்கப்படும் என்றும் கூடுதலாக விருப்பமுள்ள நன்கொடையாளர்கள் இத்திட்டத்தில் இணைந்து இனிப்புகளை வழங்கலாம் என்று தெரிவிக்கப்பட்டு இருந்தது.
இதனையடுத்து இன்று முதன் முறையாக ஆலய நிர்வாகத்திடம் நன்கொடை வழங்கி அதன் வாயிலாக திருச்சியை சேர்ந்த ஆடிட்டர் சரவணன் என்பவர் 5000 லட்டுகளை பக்தர்களுக்கு வழங்கினார்.
திங்கள் முதல் வியாழன் வரை 4000 பக்தர்களுக்கும் வெள்ளி சனி ஞாயிறு ஆகிய வாரத்தின் இறுதி நாட்களில் 8000 பக்தர்களுக்கும்
இனிப்புகள் வழங்க திட்டமிடப்பட்டுள்ளது.
