பதவிக்காகவோ – பணத்திற்காகவோ ராஜினாமா செய்யவில்லை: ஜனநாயகத்தைக் காக்கவே கட்சி மாற்றம் –  அமைச்சர் ரமேஷ் பேட்டி

திருச்சி, செப்.25 பதவிக்காகவோ பணத்திற்காகவோ ராஜினாமா செய்யவில்லை ஜனநாயகத்தைக் காக்கவே கட்சி மாற்றம் –  அமைச்சர் ரமேஷ் பேட்டி

திருச்சி கலையரங்கத்தில் கிரடாய் அமைப்பு சார்பாக கண்காட்சி நடைபெற்றது இதனை அமைச்சர் ரமேஷ் கலந்துகொண்டு துவக்கி வைத்தார்

தொடர்ந்து செய்தியாளரிடம் பேசுகையில்:

சிலர் வேண்டுமென்றே கட்சி மாறிவிட்டதாகப் பொய்ப் பிரச்சாரங்களை மேற்கொண்டு மக்கள் மத்தியில் குழப்பத்தை ஏற்படுத்த முயல்வதாக அவர் குற்றம்சாட்டினார். “மக்கள் மிகவும் தெளிவான முடிவில் இருக்கிறார்கள். அதிமுக மற்றும் திமுக இணைந்து ஆட்சி அமைக்க எடுத்த முடிவுக்கு எதிராகவே மக்கள் குரல் கொடுக்கின்றனர். ஜனநாயகத்தைப் பாதுகாக்கவும், மக்கள் தீர்ப்பை நிலைநாட்டவுமே பலர் தங்கள் பதவிகளை ராஜினாமா செய்துவிட்டு தமிழக வெற்றி கழகத்தில் இணைந்துள்ளனர். இது பதவிக்காகவோ பணத்திற்காகவோ செய்யப்பட்டது அல்ல. எனவே, வரவிருக்கும் இடைத்தேர்தல்களில் தமிழக வெற்றி கழகம் மாபெரும் வெற்றி பெறும்” என்று அவர் உறுதியளித்தார்.

மேலும் மாவட்டத்தில் டெங்கு காய்ச்சல் பரவலைக் கட்டுப்படுத்துவது குறித்துப் பேசிய அவர், “அரசு மருத்துவமனைகளில் அனைத்துச் சிறப்பு வசதிகளும் தயார் நிலையில் வைக்கப்பட்டுள்ளன. இரண்டு நாட்களுக்கு முன்பாகவே மாநகராட்சி ஆணையருடன் இணைந்து ஆலோசனைக் கூட்டம் நடத்தப்பட்டு, டெங்கு பரவலைத் தடுப்பதற்கான முன்னெச்சரிக்கை நடவடிக்கைகள் தீவிரமாகத் தொடங்கப்பட்டுள்ளன. இதனால் டெங்கு பரவல் விரைவில் சிறப்பாகக் கட்டுப்படுத்தப்படும்” என்றார்.

மின்வெட்டு குறித்து எழுப்பப்பட்ட கேள்விக்கு, துறை சார்ந்த அமைச்சர் அதுகுறித்த விளக்கங்களை அளித்து தேவையான பணிகளை மேற்கொண்டு வருவதாகத் தெரிவித்தார்.

விடுதிகளில் உணவு தொடர்பான முடிவுகள் அந்தந்த துறை சார்ந்த அமைச்சரின் அதிகாரத்திற்கு உட்பட்டது எனவும், அதுகுறித்த கேள்விகளைச் சம்பந்தப்பட்ட அமைச்சரிடம் கேட்பதே சரியானது என்றும் அவர் குறிப்பிட்டார்.