திருச்சி, டிச. 3 மருதம் புரொடக்ஷன்ஸ் தயாரிப்பில், தினேஷ் கலைசெல்வன் எழுதி இயக்கியிருக்கும் படம் ‘மகாசேனா’. இயற்கை, ஆன்மீகம், காடுகளுக்கான பாரம்பரியம் மற்றும் மனித நெறிமுறைகள் இணைந்த ஒரு மாபெரும் காடு சார்ந்த ஆக்ஷன் திரில்லர் ஜானர் திரைப்படமாக உருவாகியுள்ள இதில் விமல் நாயகனாக நடித்திருக்கிறார். ஸ்ருஷ்டி டாங்கே நாயகியாக நடித்திருக்கிறார். இவர்களுடன் யோகி பாபு, மஹிமா குப்தா, ஜான் விஜய், கபீர் துஹான் சிங், அல்ஃப்ரெட் ஜோஸ், சிவக்ரிஷ்ணா, இலக்கியா, விஜய் சேயோன் ஆகியோர் முக்கிய வேடங்களில் நடிக்க, படத்தின் முக்கிய குறியீடுள்ள கதாபாத்திரத்தில் ஒரு யானை, சேனா என்ற கதாபாத்திரத்தில் நடித்திருக்கிறது.
ஏ.பிரவீன் குமார் மற்றும் உதய் பிரகாஷ் இசையமைத்துள்ள இப்படத்தின் பின்னணி இசையை உதய் பிரகாஷ் அமைத்திருக்கிறார். டி.ஆர்.மனஸ் பாபு ஒளிப்பதிவு செய்திருக்கிறார். இப்படம் வரும் 12 ஆம் தேதி திரைக்கு வரவுள்ளது
அதற்காக பிரமோஷன் நிகழ்ச்சி மற்றும் டிரெய்லர் வெளியீட்டு நிகழ்ச்சி திருச்சி ஜமால் முகமது கல்லூரியில் நடைபெற்றது. இதில் திரைப்படத்தில் நடித்த ஸ்ருஷ்டி டாங்கே , கபீர் துஹான் சிங், மஹிமா குப்தா இயக்குனர் தினேஷ் கலைச்செல்வன் , ஒளிப்பதிவாளர் மனஸ் பாபு ஆகியோர் கலந்து கொண்டு மாணவர்களிடம் கலந்துரையாடினர்
