தஞ்சை, ஜூலை 31 மேட்டூர் அணையிலிருந்து டெல்டா பாசனத்திற்கு திறக்கப்பட்ட தண்ணீர் நேற்று கல்லணையை வந்தடைந்தது. இதையடுத்து காவிரி டெல்டா பாசனத்திற்காக கல்லணையில் இன்று தண்ணீர் திறக்கப்பட்டது. இந்நிகழ்ச்சியில் அமைச்சர்கள் கே.என்.நேரு, அன்பில் மகேஷ் பொய்யாமொழி, மெய்யநாதன் மற்றும் 5 மாவட்டங்களின் ஆட்சியர்கள் பங்கேற்றனர். நீர் திறந்தவுடன் தண்ணீரில் நெல் மணிகள் மற்றும் மலர் தூவி விவசாயிகளுடன் வரவேற்றனர். கல்லணையிலிருந்து வினாடிக்கு 35,000 கன அடி வீதம் நீர் திறக்கப்பட்டுள்ளது. இதில் விவசாயிகள், பொதுமக்கள், உள்ளாட்சி பிரதிநிதிகள் பங்கேற்றனர்.
