திருச்சி, ஜன.26 திருச்சி மாவட்டம் துறையூர் அடுத்த மதுரபுரி ஊராட்சிக்கு உட்பட்ட தேங்வாங்கர் நகர் பகுதியில் இன்று குடியரசு தினத்தை முன்னிட்டு கிராம சபைக் கூட்டம் நடைபெற்றது.
அரசு விதிகளின்படி, ஊராட்சியின் வளர்ச்சித் திட்டங்கள் மற்றும் வரவு செலவு கணக்குகளை மக்களின் முன்னிலையில் சமர்ப்பிக்க வேண்டிய இக்கூட்டத்தில், பொதுமக்கள் முறையாகக் கலந்து கொள்ளவில்லை. போதிய விழிப்புணர்வு இல்லாத காரணத்தாலோ அல்லது முறையான அறிவிப்பு இல்லாததாலோ மக்கள் வருகை மிகக் குறைவாகவே இருந்தது.
முக்கியமான தீர்மானங்கள் நிறைவேற்றப்பட வேண்டிய கிராம சபைக் கூட்டத்தில் பொதுமக்களின் பங்களிப்பு இல்லாதது அப்பகுதியில் பெரும் விவாதத்தை ஏற்படுத்தியுள்ளது.
மக்கள் பங்கேற்பு இல்லாததால், இக்கூட்டம் பெயரளவிலேயே நடைபெற்றதாக சமூக ஆர்வலர்கள் குற்றம் சாட்டியுள்ளனர்.
