திருச்சி, ஜூலை 17 திருச்சி மாவட்டம், துறையூர் வட்டம், உப்பிலியபுரத்தை அடுத்துள்ள மாராடி முத்துராஜா தெருவை சேர்ந்தவர் பிச்சை (வயது 54). இவர் மாராடி ஏரிக்கரை பகு தியில் உள்ள தனக்கு சொந்தமான தோட்டத்தில் மாடுகளை வளர்த்து வருகிறார். நேற்று அதிகாலை 4 மணியளவில் பால் கறப்பதற்காக பிச்சை தனது தோட்டத்திற்கு சென்றார்.அங்கு பால்காரருக்காக காத்திருந்தபோது, திடீரென 3 மர்ம நபர்கள் வந்தனர். அவர்கள் கத்தியைக் காட்டி பிச்சையிடம் இருந்த அரை பவுன் சங்கிலி, அரை பவுன் மோதிரம், ரூ.3 ஆயிரம், செல்போன் ஆகியவற்றை பறித்து சென்றதாக தெரிகிறது. இது குறித்த புகாரின்பேரில் உப்பிலியபுரம் போலீசார் விசாரணை மேற்கொண்டு வருகின்றனர்.
