திருச்சி, டிச.6 திருச்சி தெற்கு மாவட்ட மாவட்ட செயலாளரும், பள்ளி கல்வித்துறை அமைச்சருமான அன்பில் மகேஸ் பொய்யாமொழி வெளியிட்டுள்ள அறிக்கையில் திருச்சி தெற்கு மாவட்ட செயற்குழு கூட்டம் நாளை (டிச.7) மாலை 5.30 மணிக்கு திருச்சி தெற்கு மாவட்ட கழக அலுவலகத்தில் நடைபெற உள்ளது. இக்கூட்டத்தில் இனமான பேராசிரியர் பெருந்தகை அவர்களின் நூற்றாண்டு விழா, கழக ஆக்க பணிகள் சம்பந்தமாகவும் ஆலோசனை நடைபெற உள்ளது.
இந்த நிகழ்வில் மாநில, மாவட்ட, மாநகர நிர்வாகிகள், மாநகர, பகுதி, ஒன்றிய, நகர, பேரூர் கழகச் செயலாளர்கள், தலைமைச் செயற்குழு, பொதுக்குழு உறுப்பினர்கள், மாவட்ட அணிகளின் அமைப்பாளர்கள் மற்றும் உள்ளாட்சி சேர்மன்கள் தவறாமல் கலந்து கொள்ளுமாறு கேட்டுக் கொண்டுள்ளார்.
