திருச்சி தாராநல்லூர் பகுதியை சேர்ந்தவர் கார்த்தி. இவரது மனைவி முருகேஸ்வரி (வயது 36). நேற்று முன்தினம் சமயபுரம் கோவில் தேரோட்டத்தையொட்டி பழூர் அருகே அன்னதானம் வழங்கப்பட்டது. முருகேஸ்வரி அதனை வாங்கசென்றபோது, கூட்ட நெரிசலை பயன்படுத்தி மர்மநபர்கள், அவர் அணிந்திருந்த 4 பவுன் தங்கச்சங்கிலியை திருடி சென்றுவிட்டனர். இதேபோன்று கூத்தூர் பகுதியில் வழங்கப்பட்டஅன்னதானத்தை
பெறமுயன்ற முசிறி அருகே உள்ள ஆமூர் பகுதியை சேர்ந்த அமராவதி(வயது 48) என்பவரின் கழுத்தில் அணிந்திருந்த 2 பவுன் தங்கச்சங்கிலி, பெரம்பலூர் மாவட்டம், நக்கச்சேலம் பகுதியை சேர்ந்த லோகநாதன் மனைவி தமிழரசி (வயது 55) என்பவரின் கழுத்தில் கிடந்த 5 பவுன் தங்கச்சங்கிலியை மர்ம நபர்கள் திருடிச்சென்றனர். இதுகு றித்து 3 பேரும் கொள்ளிடம் காவல் நிலையத்தில் தனித்தனியாக புகார் அளித்தனர். புகாரின் பேரில் போலீசார் வழக்குப்பதிவு செய்து விசாரணை நடத்தி வருகின்றனர்.
