திருச்சி பெல் நிறுவனத்திற்கு டெண்டர் இல்லாமல் நேரடியாக பாய்லர் ஆர்டர்களை வழங்க வேண்டும் என பல்வேறு கோரிக்கைகளை வலியுறுத்தி சிஐடியு சார்பில் வலியுறுத்தி திருவெறும்பூர் சட்டமன்ற உறுப்பினர் அலுவலகம் முன்பு முறையீடு ஆர்ப்பாட்டம் நடத்தினர்.
திருச்சி பெல் நிறுவனத்திற்கு டெண்டர் இல்லாமல் நேரடியாக பாய்லர் ஆர்டர்களை வழங்க வேண்டும். தமிழ்நாடு மின்வாரியம் வழங்க வேண்டிய 3000 கோடி நிலுவை தொகை உடனே வழங்க வேண்டும். பிஜி ஆர்க்கு வழங்கிய எண்ணூர் ஆர்டரை ரத்து செய்ய வேண்டும் தேர்தல் வாக்குறுதியை நிறைவேற்ற வேண்டும் என்ற பல்வேறு கோரிக்கைகளுக்காக தமிழக அரசை வலியுறுத்தி பெல் நிறுவன சிஐடியு தொழிற்சங்கத்தினர் மற்றும் ஊழியர்கள் திருவெறும்பூர் சட்டமன்ற உறுப்பினர் அலுவலகத்திற்கு முன்பாக முறையீடு ஆர்ப்பாட்டம் நடத்தினர். இந்த ஆர்ப்பாட்டத்திற்கு சிஐடியு பொதுச்செயலாளர் பிரபு தலைமை வகித்தார். செயலாளர் பரமசிவம் மற்றும் சிஐடியு புறநகர் மாவட்ட செயலாளர் சிவராஜ் ஆகியோர் கண்டன உரை நிகழ்த்தினர். அமைப்பு செயலாளர் சந்திரசேகர் நன்றி உரையாற்றினார். ஆர்ப்பாட்டத்திற்கு பின்னர் தங்களது கோரிக்கைகளை மனுவாக திருவெரும்பூர் சட்டமன்ற உறுப்பினர் அலுவலகத்தில் வழங்கினர் இந்த ஆர்ப்பாட்டத்தில் சிஐடியூ நிர்வாகிகள் உறுப்பினர்கள் ஊழியர்கள் பலர் கலந்து கொண்டனர்.
