திருச்சி, டிச.2 மூதாதையர் பாரம்பரியத்தை ஆராய ஒரு அரிய வாய்ப்பை வழங்கும் 150 க்கும் மேற்பட்ட பாரம்பரிய நெல் வகைகள் கண்காட்சி திருச்சியில் நடைபெற்றது
திருச்சியில் பிஷப் ஹீபர் கல்லூரி மற்றும் தமிழ்நாடு நெல் ஜெயராமன் பாரம்பரிய நெல் பாதுகாப்பு ஆகியோர் சார்பில் பாரம்பரிய நெல் விதை கண்காட்சி திருச்சி பிஷப் கல்லூரியில் நேற்று நடைபெற்றது.
கண்காட்சியில் நூற்றுக்கு மேற்பட்ட பாரம்பரிய நெல் வகைகள், மேலும், பாரம்பரிய அரிசி வகைகள் ஆன கருப்பு கவுனி, சிவப்பு கவுனி, வார்டன் சம்பா, மதிமுனி, வாசனைசீராகசம்பா உள்ளிட்ட அரிசி வகைகளும் கண்காட்சியில் வைக்கப்பட்டு இருந்தது.
பிஷப் ஹீபர் கல்லூரியில் உள்ள உயிர் தகவலியல் துறை விவசாய பல்லுயிர் மற்றும் பாரம்பரிய பயிர் மரபியல் தொடர்பான ஆராய்ச்சியில் தீவிரமாக ஈடுபட்டுள்ளது.
தமிழ்நாட்டின் பாரம்பரிய அரிசி வகைகளை ஆவணப்படுத்துவதற்கும் ஆய்வு செய்வதற்கும் உருவாக்கப்பட்ட அதன் சொந்த HEBTr தரவுத்தளத்தை (ஹீபர் பாரம்பரிய அரிசி வகை தரவுத்தளம்) துறை பராமரிக்கிறது.
இத்துறையில் நடைபெற்று வரும் ஆராய்ச்சியில் பாரம்பரிய தானியங்களின் மருத்துவ திறனை ஆராய்வது, அரிய மற்றும் ஒரு காலத்தில் கிட்டத்தட்ட அழிந்துபோன பாரம்பரிய அரிசி வகையான காட்டுயானம் குறித்த மரபணு நிலை பகுப்பாய்வு ஆகியவை அடங்கும். மாணவர்கள், ஆராய்ச்சியாளர்கள், விவசாயிகள், தொழில்முனைவோர் மற்றும் பார்வையாளர்களுக்கு தமிழ்நாடு மற்றும் அண்டை மாநிலங்களில் பாதுகாக்கப்பட்ட நில இனங்களின் பன்முகத்தன்மை, தனித்துவம் மற்றும் மூதாதையர் பாரம்பரியத்தை ஆராய ஒரு அரிய வாய்ப்பை வழங்கும் 150 க்கும் மேற்பட்ட பாரம்பரிய நெல் வகைகளை இந்த கண்காட்சி காட்சிப்படுத்தியது.
இந்நிகழ்வில் மரபுவழி நெல் பேரவையின் தலைவரும் தலைமை செயல் அதிகாரியுமான மருத்துவர். ரகுநாதன்விஸ்வநாதன், பிஷப் ஹீபர் கல்லூரி உயிர் தகவலியல் துறையின் ஒருங்கிணைப்பாளரும் தலைவருமான முனைவர். அகிலா மற்றும் திட்ட ஒருங்கிணைப்பாளரும் உயிர் தகவலியல் துறையின் உதவி பேராசிரியருமான முனைவர் ஜெபஸ்டின், கல்லூரி மாணவ மாணவிகள் உட்பட பலர் கலந்து கொண்டனர்.
