தமிழ்நாடு விளையாட்டு பல்கலைக்கழக கல்லூரிகளுக்கு இடையேயான ஆண்கள் மற்றும் பெண்கள் வலைப்பந்து விளையாட்டுப்போட்டி திருச்சி ராம்ஜி நகரில் உள்ள ஜென்னிஸ் உடற்கல்வியியல் கல்லூரியில் நடைபெற்றது. இந்த போட்டியில் ஆண்களுக்கான பிரிவில் அரியலூர் எம்.ஆர்.சி. உடற்கல்வியியல் கல்லூரி முதலிடத்தையும், தமிழ்நாடு விளையாட்டு பல்கலைக்கழகம் 2-ம் இடத்தையும், ஜென்னிஸ் உடற்கல்வியியல் கல்லூரி 3-ம் இடத்தையும் பிடித்தது. இதேபோல
பெண்கள் பிரிவில் சென்னை ஒய்.எம்.சி.ஏ. கல்லூரி முதலிடத்தையும், தமிழ்நாடு விளையாட்டு பல்கலைக்கழகம் 2-ம் இடத்தையும் மற்றும் ஜென்னிஸ் உடற்கல்வியியல் கல்லூரி 3-ம் இடத்தையும் வென்றது. வெற்றி பெற்ற மாணவ-மாணவிகளுக்கு ஜென்னிஸ் உடற்கல்வியியல் கல்லூரி துணை தாளாளர் ஆண்டனி சித்தாந்த், டாக்டர் தங்க பிச்சையப்பா, புண்ணியமூர்த்தி, கல்லூரி முதல்வர் மற்றும் பேராசிரியர்கள் பரிசுகளை வழங்கி பாராட்டுகளை தெரிவித்தனர்.
