அருள்மிகு ஸ்ரீரங்கம் அரங்கநாத சுவாமி திருக்கோயில் நேற்று (டிச.25) வைகுந்த ஏகாதசி பெருவிழா பகல் பத்து ஆறாம் திருநாள் அர்ஜுன மண்டபத்தில் திருமங்கையாழ்வார் பெரிய திருமொழி தொடக்கமாக” நாராயணா என்னும் நாமம்” செவிமடுக்க திருநாராயணன் முத்துக் கொண்டை சாற்றி ; அதில் கலிங்கத்துராய் அணிந்து; சிகப்புக் கல் அபய ஹஸ்தம் சாற்றி; மகர கர்ண பத்ரம் திருக்காதில் அணிந்து; கண்டாபரணம் ; திருமார்பில் – சிகப்புக் கல் சூர்ய பதக்கம்; அதன் மேல் – ஸ்ரீ மகாலட்சுமி பதக்கம்; சந்திர ஹாரம் ; தேர்ந்தெடுத்து – வரிசையாக சிகப்புக் கல் அடுக்கு பதக்கங்கள் மிக மிக நேர்த்தியாக அணிந்து : தங்கப் பூண் பவழ மாலை; 2 வட முத்து மாலை; “திருப்பாவை மரகத பச்சை கிளி ” பதக்கம் அணிந்து வெண் பட்டு அணிந்து அதன் மேல் மஞ்சள் நிற பட்டு கபா என்னும் வஸ்திரம் அணிந்து பின் சேவையாக – பங்குனி உத்திர பதக்கம் – புஜ கீர்த்தி அணிந்து சேவை சாத்திக்கிறார்.
