போலியோவை இந்தியாவிலிருந்து முற்றிலுமாக அகற்றியது போல், காச நோயை கட்டுப்படுத்தி அதனால் பாதிக்கப்பட்டு இறப்போரின் எண்ணிக்கையை குறைக்கும் நோக்கில் தேசிய காசநோய் தடுப்பு திட்டம் உருவாக்கப்பட்டது. இத்திட்டத்தின் கீழ் திருச்சி மாவட்டத்தில் பணியாற்ற ஒப்பந்தத்தின்
அடிப்படையில் 31 மருத்துவ மற்றும் மருத்துவப் பணியாளர்களுக்கான பணி நியமன ஆணைகளை திருச்சி மாவட்ட ஆட்சியர் அலுவலக வளாகத்தில் உள்ள கூட்டரங்கில் தமிழக நகராட்சி நிர்வாகத்துறை அமைச்சர் கே.என்.நேரு, தமிழக பள்ளி கல்வித்துறை அமைச்சர் அன்பில் மகேஷ் பொய்யமொழி உள்ளிட்டோர் இணைந்து வழங்கினர். கல்வி மற்றும் மருத்துவம் சார்ந்த துறைகளில் உள்ள காலி பணியிடங்களை நிரப்புவதற்கான பணிகள் அந்தந்த துறை சார்ந்த அமைச்சர்களின் அறிவுறுத்தலின் பேரில் தொடர்ந்து நடைபெற்று வருகிறது என்பது குறிப்பிடத்தக்கது.
