திருச்சி, அ. 18 திருச்சி ரயில் நிலையம் 3வது நடைமேடையில் நேற்று சந்தேகத்திற்கிடமான முறையில் ஒருவர் கருப்பு நிற தோள் பையுடன் நின்றிருந்தார். அங்கு வந்த ரயில்வே பாதுகாப்பு படையினர் அவர் வைத்திருந்த பையை வாங்கி சோதனையிட்டனர். இதில் 8 கிலோ கஞ்சா இருப்பது கண்டுபிடிக்கப்பட்டது. இதையடுத்து அவரிடம் நடத்திய விசாரணையில் ஓடிசா மாநிலத்தை சேர்ந்த பரிகித் மாலிக் (25) என்பதும், 3 ஆண்டுகள் திருப்பூரில் வேலை செய்ததாகவும், பணக் கஷ்டம் காரணமாக கஞ்சாவை கடத்தி வந்ததாகவும் தெரிவித்தார். இதையடுத்து போதை பொருள் தடுப்பு போலீசார் அவரை கைது செய்தனர்.
