திருச்சி மத்திய சிறை வளாகத்தில் அகதிகளுக்கான சிறப்பு முகாம் உள்ளது. இங்கு இலங்கை, வங்காளதேசம், பல்கேரியா, ருவாண்டா, நைஜீரியா உள்பட பல நாடுகளை சேர்ந்த குற்ற வழக்குகளில் தொடர்புடைய 116 பேர் அடைத்து வைக்கப்பட்டுள்ளனர்.
இவர்களில் 30-க்கும் மேற்பட்ட அகதிகள் தங்களை சிறப்பு முகாமில் இருந்து விடுதலை செய்ய வேண்டும் என்ற கோரிக்கையை வலியுறுத்தி கடந்த மாதம் 11-ந் தேதி முதல் காத்திருப்பு போராட்டத்தில் ஈடுபட்டு வருகிறார்கள்.
40-வது நாளாக அவர்களுடைய போராட்டம் தொடர்ந்தது. அப்போது முதல்-அமைச்சர் மு.க.ஸ்டாலின் படத்தை கையில் வைத்து கொண்டு, பொதுமன்னிப்பு வழங்கி அனைவரையும் சிறப்பு முகாமில் இருந்து விடுவிக்க வேண்டும் என வலியுறுத்தினார்கள்.
